വരള്‍വരകള്‍
.................
മുറിഞ്ഞു പോകയാണ് പുഴ
എനിക്കും നിനക്കുമിടയില്‍ ,
മണ്‍തിട്ടകള്‍ക്കിടയില്‍
ജലദൂരം വറ്റി
ഒന്നാകുമ്പോള്‍
ദാഹങ്ങളില്‍
മുങ്ങി നിവരാന്‍
മരുഭൂമി മാത്രം

നേര്‍ നിലാവിന്റെ
മഞ്ഞില്‍ പൊതിഞ്ഞു
കാതങ്ങള്‍ കാത്ത
രാഗങ്ങളോക്കെയും
വരണ്ട മണ്‍കട്ടകളായി-
മടിശീലക്കുടുമയില്‍

നമുക്കിടയിലെ പുഴ
ഹൃദയ രക്തം
പെറിയിരുന്നോ
വരണ്ടുപോയതത്ത്രയും
സ്നേഹമായിരുന്നോ
ഇനിയൊരു പുഴ
ജനിക്കാന്‍ ഏതു
കലപ്പയേന്തണം ഞാന്‍

നിഷാദ് തങ്കപ്പന്‍ (തിരുവല്ല)

മഴ നനഞ്ഞു ഈറനുറ്റിയ മരച്ചില്ലയിലിരുന്നു 
പൊന്നുറുമ്പുകള്‍ക്കും മരം കൊത്തികള്‍ക്കും 
പറയുവനോന്നു മാത്രം 
ഭൂമി ഋതുമതിയായത് 
അവളുടെ തിരണ്ടലൊരു 
പ്രളയമായത് രുധിരമിറ്റി 
ചെളികുഴഞ്ഞു മഴയായ് 
മരണമായ്‌ ....
മണ്ണിന്‍റെ മനമറിയാതെ മാനവന്‍ 
എല്ലാമറിഞ്ഞുള്ളാല്‍ ചിരിച്ചീ -
യുറുമ്പുകള്‍ ഇലക്കീഴിലീല്ലങ്ങള്‍ 
തീരത്ത് ....

       ഹാലൂസിനെഷന്‍സ്
.................................................

നിനക്കും എനിക്കുമിടയില്‍
സൗഹൃദം ചാലിച്ച വരയില്‍
ഇരു പുറം നില്‍ക്കെ
നമുക്കിടയില്‍ ഒരു വാക്കിന്‍ ദൂരം
വ്യഥ മുറ്റിയ ചിന്തകള്‍ സമ്മാനിച്ച്‌
ബന്ധങ്ങള്‍
ചിന്താഭാരമില്ലാത്ത ബന്ധങ്ങളില്‍
ബന്ധമില്ലാത്ത ചിന്തകളില്‍
ജീവിച്ചു മരിക്കാന്‍
എന്‍റെ തോന്നലുകളില്‍
ഒരു പട്ടമായി
ആകാശത്തൊരു മുറി
വാടകക്കെടുക്കും ഞാന്‍
വാതിലില്ല മുറികളില്‍
 മതിലില്ല മുറ്റത്ത്
എന്‍റെ ചിന്തകള്‍ ചിതറിയ
മേഘത്തറകളില്‍
നിഴല്‍ച്ചിത്രം ചേര്‍ക്കാന്‍
നീയുണ്ടെന്ന് തോന്നല്‍
എല്ലാം തോന്നലാവാം
ഹാലൂസിനെഷന്‍ .....