ഒന്ന് –ഒന്ന്‍ =രണ്ട് ( 1-1=2)
......................................

1. ബാഗ്ദാദ് :-
ഇന്ധനക്കിണറുകള്‍ 
വറ്റാതുറവകള്‍
അത്തര്‍ മണം പൂക്കും 
പ്രവാസ മരുപ്പച്ച 
നിസ്കാരപ്പായയില്‍ ഇടം 
പകുത്തവര്‍ 
ഇന്നലെ അസ്സലാമു ചൊല്ലിപിരിഞ്ഞവര്‍
സുന്നിയായ് ഷിയയായ്

മത വെറി മണല്‍ കത്തി
മൃത്യു കരിമ്പടം ചാര്‍ത്തും
മണല്‍ക്കാടുകള്‍
കാബൂളില്‍ ഗാസയില്‍
ബാഗ്ദാദില്‍ ഇറാക്കില്‍
ഇസ്ലാം ഇടിഞ്ഞൊരു
മണല്‍ക്കൂനയാകവേ
വിശുദ്ധ കാലത്തിന്നു
കുരുതിമണക്കുന്നു
പലായനം ചെയ്തു
പ്രവാചകന്മക്കള്‍

നിസ്കാരത്തഴമ്പില്‍ തോക്കിന്‍
കുഴല്‍ പൊട്ടി
ചൊല്ലുവാനുള്ളതോ
അള്ളാഹു അക്ബര്‍
ചന്ദ്ര ബിംബങ്ങള്‍ക്ക് മാറ്റു പോരാ

ഒരു മതം അന്ന്യോന്ന്യം ,അപരര്‍ക്കു
ആപത്തു വിതറുമോ !
2. ഗാസ :-
ജൂതനായ് ഇസ്ലാമായ്
ഒരു നാണയത്തിന്നിര്
പുറം ചേര്‍ത്തവര്‍
വേദപുസ്തകം പകുത്ത്
ഉറവിടം പക്കുത്ത്
ഇരുപുറം നില്‍പ്പവര്‍

ജൂതന്‍റെ ശിശുഹത്യ
യേശു നാമത്തിലോ
ഇടയന്‍റെ കുരുശേറല്‍
വ്യര്‍ഥമാകുന്നുവോ
മണ്ണും മതവും
മരണമാകുന്നു
നിഷാദ് തങ്കപ്പന്‍ (തിരുവല്ല)

അല്‍ഷിമേഴ്സ്
........................................
മറവിയിലാണ് ഞാന്‍ 

പകല്‍ കീറിയുടുത്ത
പാല്‍ തെളിവാര്‍ന്ന 
ബാല്യത്തെ 

പകലിനെ പാതി 
നിലാവിനെ പാതി 
പ്രണയം നടിച്ച
കൌമാരത്തെ

സൂര്യനില്‍ വിരല്‍ തൊട്ടു
തീക്കനല്‍ കോരി
ചിന്തകള്‍ ചുവപ്പിച്ച
സര്‍ഗയൌവനത്തെ

ചതുരങ്കപ്പലകയില്‍
കറുപ്പില്‍ വെളുപ്പില്‍
കണ്ണിന്‍ വെളുപ്പില്‍
വെളുപ്പിലെക്കറുപ്പില്‍
അറിയാചൂതിലെ
കാണാച്ചതികളെ

നഷ്ടവര്‍ണങ്ങളെ
ഇടനെഞ്ചു പകുത്തു
ലോഹമുനകോര്‍ത്തു
എന്നെ പ്രോമിത്യൂസാക്കിയ
നിന്നെ
എല്ലാമറിഞ്ഞ എന്നെ

കരിപുരണ്ട ഇന്നലകളെ
ഇന്നിന്‍റെ ശൂന്യതയെ
ഓര്‍മകളുടെ അന്ധകാരത്തില്‍
ഞാന്‍ ... 
നിഷാദ് തങ്കപ്പന്‍ (തിരുവല്ല)

ഏറെയായി ഈ വഴി വന്നിട്ട് 
വഴി മറന്നതോ
മുടക്കിയതോ അല്ല
വിരസതകളുടെ 
വീര്‍പ്പുമുട്ടലുകളില്‍ നിന്നു
ഒളിച്ചോടി 
മൌനത്തിന്‍റെ ചിന്തയുടെ 
ദീര്‍ഘമായ ഇടവേള 
ഇനി പുതു വഴികള്‍ ..